Rondeau 124 : Le temps passé ne mettéz en oubli (DCLXXXVII)

Rondel

                        Le temps passé ne mettéz en oubli
                        Pour autrui biens, souveingne vous de my :
                        Ne m’oubliéz pour ce se ne vous voy,
                        Car vous avéz tousjours le cuer de my.
5                      Soyéz loyaulx, en gardant bonne foy,
                        Le temps passé [ne mettéz en oubli
                        Pour autrui bien, souveingne vous de my.]
                        Estre pouéz gracieux et joly,                                                              186d
                        Dancer, chanter, estre de bel arroy,
10                    Maiz en gardant fort l’amoureuse loy,
                        Le temps [passé ne mettéz en oubli
                        Pour autrui biens, souveingne vous de my :
                        Ne m’oubliéz pour ce se ne vous voy.]