Rondeau 123 : En Pruce vont pluseurs ceste saison (DCLXXXVI)

Autre Rondeau

                        En Pruce vont pluseurs ceste saison,
                        Et je doubt bien de vostre voulenté,
                        Que ne soyéz du voyage tempté.
                        De vostre honneur ay joye, c’est raison.
5                      Maiz quant partout ara vo cuer pensé,
                        En Pruce [vont pluseurs ceste saison,
                        Et je doubt bien de vostre voulenté.]
                        Un tour vendréz avant en vo maison,
                        Si vous vaudray[1] ce que j’ay amassé,
10                    Et diréz lors comme reconforté :
                        En Pruce [vont pluseurs ceste saison,
                        Et je doubt bien de vostre voulenté,
                        Que ne soyéz du boyage tempté.]

[1] Saint Hilaire corrige en vaudra