Rondeau 122 : Ventre puans, par Dieu, je vous lairay (DCLXXXV)
Rondeau
Ventre puans, par Dieu, je vous lairay,
Vostre culz, sur qui ne vous puis porter.
De tant mangier vous vueilléz deporter,
Ou autrement plus ne vous serviray.
5 Faictes moy droit, je vueil a vous compter.
Ventre puans, [par Dieu, je vous lairay,
Vostre culz, sur qui ne vous puis porter.]
Vostre courroye et vo tasse lairay
Cheoir. Du tout ne faites que souffler,
10 Et en alant comme uns pourceaulx rouffler.
Ventre puans, [par Dieu, je vous lairay,
Vostre culz, sur qui ne vous puis porter,
De tant mangier vous vueilléz deposter.]