Rondeau 125 : Cuer, pour l’amour que tu as a ton corps (DCLXXXVIII)
Rondel
Cuer, pour l’amour que tu as a ton corps,
Dy les doleurs que tu sens a ta dame,
Avec l’amour qui t’art et qui t’enflamme,
Ou il convient que je te boute hors,
5 Tant suis ferus de l’amoureuse flamme.
Cuer, pour l’amour [que tu as a ton corps,
Dy les doleurs que tu sens a ta dame.]
Sinon je muir, tu premiers seras mors
Par ton deffaut, ce te sera diffame.
10 N’oseras tu parler a une femme ?
Cuer, pour l’amour [que tu as a ton crps,
Dy les doleurs que tu sens a ta dame,
Avec l’amour qui t’art et qui t’enflamme.]