Rondeau 103 : Vous qui venéz a Paris sejourner (DCLXVI)
Autre Rondel
Vous qui venéz a Paris sejourner,
Faictes prendre garde de vos chevaux.
Ils manguent l’un l’autre, tant sont maulx.
Il n’est varlet qui les en puist [garder] :
5 Les deux a l’un font mervilleux assaulx.
Vous qui venéz a Paris sejourner,
[Faictes prendre garde de vos chevaulx.]
Tant que pour eulx faire mieulx agrever,
Les deux le tiers font vendre tous les taux,
10 Tant pour hoste comme pour mareschaux.
Vous qui venéz a Pariz sejourner,
[Faictes prendre garde de vos chevaulx.
Ils manguent l’un l’autre tant sont maulx.]