Rondeau 102 : Courtoisement m’avéz a servent priz (DCLXV)
Autre Rondel
Courtoisement m’avéz a servent priz.
Or vous tendray ma dame et ma deesse.
Le bien de vous a ce faire m’adresse,
Elas ! trop suis de vostre amour sous pris,
5 Tant me destraint dessus, douce maitresse.
Courtoisement [m’avéz a servent priz :
Or vous tendray ma dame et ma deesse.]
[Elas !] trop sui de l’argent feu espriz, 185a
En quel je n’ay ne confort, ne leesse.
10 Dont puis je bien dire a vostre jeunesse :
Courtoisement m’avéz a servent priz,
[Or vous tendray ma dame et ma deesse.
Le bien d vous a ce faire m’adresse.]