Rondeau 101 : Tresdoulce flour qui tous maulx puet garir (DCLXIV)

Rondel

                        Tresdoulce flour qui tous maulx puet garir,
                        Pour la doulçour dont vous estes raemplie,
                        Mon cuer nul temps vo grant bonté n’oublie.
                        A vous le veul tout donner et offrir.
5                      Or le veilliéz prandre et a chiere lie,
                        Tresdoulce flour [qui tous maulx peut garir,
                        Pour la douçour dont vous estes raemplie.]
                        Je ne quier plus ne veul autre merir
                        Fors nom d’ami, et pour ce vous supplie
10                    En ce doulx temps que ma voix soit oye.
                        Tresdoulce flour qui tous maulx [puet garir,
                        Pour la doulçour dont vous estes raemplie,
                        Mon cuer nul temps vo grant bonté n’oublie.]