Rondeau 100 : En ce monde n’a nul plus grant peril (DCLXIII)
Autre Rondel
En ce monde n’a nul plus grant peril
Que d’eslever un povre homme en estat,
Ne qui par tout puist tant faire debat.
Tout le contraire est de lomme gentil,
5 Car contre droit po souvent se debat.
En ce monde n’a [nul] plus grant peril
[Que d’eslever un povre home en estat.]
Toute ordure verréz de l’omme vil :
Il het les bons, il est gloux comme un chat,
10 Il happe tout, il fait son maistre mat.
[En ce monde n’a nul plus grant peril
Que d’eslever un povre home en estat,
Ne qui par tout puist tant faire debat.]