Rondeau 59 : Qui puet querir quiere son sauvement (DCXXI)
Rondel
Qui puet querir quiere son sauvement,
Car au jour d’ui est tout habandonné.
Ainsi est il en ce monde ordonné.
Las ! nulz n’y fait son devoir proprement. 181d
5 Mal n’est pugni, ne bien guerredonné
Qui puet querir [quiere son sauvement,
Car au jour d’ui est tout habandonné.]
Et pour ce va tout perilleusement
Que li plus grant y sont desordonné.
10 Et puis que Dieu nous a tel temps donné,
Qui puet querir [quiere son sauvement,
Car au jour d’ui est tout habandonné.
Ainsi est il en ce monde ordonné.]