Rondeau 58 : Nue que nulz ne pourroit mieulx nuer (DCXX)

Autre Rondel

                        Nue que nulz ne pourroit mieulx nuer,
                        Temps gracieux, plaisans et delictables,
                        En cest estat soiéz toudiz estables.
                        L’en ne vous puet de beauté desnuer,
5                      A la terre est vos regars agreables,
                        Nue [que nulz ne pourroit mieulx nuer,
                        Temps gracieux, plaisans et delictables.]
                        Toutes dolours faictes en doulx muer,
                        Les fleurs florir, rouseez proffitables,
10                    Tous voz faiz sont courtoiz et amiables.
                        Nue que nulz [ne pourroit mieulx nuer,
                        Temps gracieux, plaisans et delictables,
                        En cest estat soiéz toudiz estables.]