Rondeau 57 : Comment va le monde au jour d’ui (DCXIX)
Rondel
Comment va le monde au jour d’ui ?
On ne puet piz certainement :
Vers moy se porte durement.
Car pour loyal amour languy.
5 Il n’est[1] ainsi presentement.
Comment [va le monde au jour d’ui ?
On ne puet piz certainement.]
Maiz j’aten ou mort ou mercy,
S’Amour se porte loyaument.
10 Si non lors diray tristement :
Comment [va le monde au jour d’ui ?
On ne puet piz certainement :
Vers moy se porte durement.]
[1] Saint Hilaire corrige en m’est