Rondeau 56 : De jour en jour toute merencolye (DCXVIII)
Autre Rondel
De jour en jour toute merencolye
Lye mon cuer, car riens n’est de mon fait.
Fait ne sera, trop ay dure partie.
Partie soit ma somme, ou je mendye :
5 Dye au jour d’ui mon seigneur si lui plaist. 181c
De jour [en jour toute merencolye
Lye mon cuer, car riens n’est de mon fait.]
Plait cessera se Braque s’umilie.
Lye sera ma dolour qui fortrait,
10 Trait m’ara lors du mal ou je folye.
De jour [en jour toute merencolye
Lye mon cuer, car riens n’est de mon fait.
Fait ne sera, trop ay dure partie.]