Rondeau 55 : Beau fait aler ou chastel de Clermont (DCXVII)
Rondel
Beau fait aler ou chastel de Clermont,
Car belle y a et douce compaignie,
Qui en dançant et chantant s’esbanye.
Les dames la tresbonne chere[1] font
5 Aux estrangiers : si convient que je dye :
Beau fait aler [ou chastel de Clermont,
Car belle y a et douce compaignie.]
Une en y a qui les autres semont
En toute honour et en joyeuse vie.
10 C’est paradiz. Et pour [ce] a tous escrie.
Beau fait aler [ou chastel de Clermont,
Car belle y a et douce compaignie,
Qui en dançant et chantant s’esbanye.]
[1] Saint Hilaire corrige en chiere