Rondeau 54 : Amour, donnéz a ce povre malade (DCXVI)
Autre Rondel
Amour, donnéz a ce povre malade
Un seul regart comme a un trespassant,
Pour alegier la grant dolour qu’il sent,
Ou il se muert par desespoir tout rade
5 Pour le penser qui en son cuer descent.
Amour, [donnéz a ce povre malade
Un seul regart comme a un trespassant.]
Par souvenir est si vain et si face,
Que plus navré de li n’est entre cent,
10 Et quant pour vous languit, vray ygnocent,
Amour, [donnéz a ce povre malade
Un seul regart comme a un trespassant,
Pour alegier la grant doulour qu’il sent.]