Rondeau 51 : Viex homs ne puet plus sa mort aproucher (DCXIII)
Rondel
Viex homs ne puet plus sa mort aproucher
Que de prendre joeune feme a .xv. ans,
Car[1] lors est il lens, chetiz et pesans.
Besoing n’eust de tel chose touchier,
5 Puis que de froit a ja les cheveux blans.
Vieux homs [ne puet plus sa mort aprouchier
Que de prendre joeune feme a .xv. ans.]
En premier an le convient tout vuidier,
Et ou second a les goutes es flans,
10 Jaloux ou tiers, muert tristes et meschans.
Vieux homs [ne puet plus sa mort aprouchier
Que de prendre joeune feme a .xv. ans
Car lors est il lens, chetiz et pesans.]
[1] Ms. Cars