Rondeau 50 : Il convient, mau gré c’on en ait (DCXII)
Autre Rondel
Il convient, mau gré c’on en ait,
Prendre confort en son affaire,
Souffrir, dissimuler et traire.
Et se le temps est dur et lait, 181a
5 Lors te doys tu a joye traire.
Il convient, [mau gré c’on en ait,
Prendre confort en son affaire.]
Pren donc en gré, fay ton retrait
A pacience debonnaire.
10 Car qui de mort se veult retraire,
Il convient, [mau gré c’on en ait,
Prendre confort en son affaire,
Souffrir, dissimuler et taire.]