Rondeau 49 : Tout ne me vient pas a souhait (DCXI)
Autre Rondel
Tout ne me vient pas a souhait,
Maiz trop piz qu’il ne souloit faire.
Car rien ne voy qui me puist plaire.
A rebours se tourne mon fait.
5 Je voy toute joye deffaire.
Tout [ne me vient pas a souhait,
Maiz trop piz qu’il ne souloit faire.]
Vaillance et honour se deffait,
Et j’ay veu tout le contraire.
10 Dont je doy bien crier et braire.
Tout [ne me vient pas a souhait,
Maiz trop piz qu’il ne souloit faire.
Car rien ne voyqui me puist plaire.]