Rondeau 52 : Il n’est chose qui vaille loiauté (DCXIV)
Autre Rondel
Il n’est chose qui vaille loiauté,
Vivre du sien et non nuire a autrui,
Selon la loy, et sans hair nullui.
A homme vault moult nette povreté,
5 Convoitise fait souvent trop d’anui :
Il n’est [chose qui vaille loiauté,
Vivre du sien et non nuire a autrui,]
Par convoitier ont maint honnis esté
Et en la fin musis, comme je lui,
10 Destruit et mat. Qui bien pense a cestui,
Il n’est [chose qui vaille loiauté,
Vivre du sien et non nuire a autrui,
Selon la loy, et sans hair nullui.]