Rondeau 39 : Nulz homs ne puet souffrir plus de tourment (DCI)
Autre Rondel
Nulz homs ne puet souffrir plus de tourment
Que j’ay pour vous, chiere dame honnoree,
Qui chascun jour estes en ma pensse.
Se il vous plaist, je vous diray comment,
5 Car loing d vous ay vie despere[e] :
Nulz homs [ne puet souffrir plus de tourment
Que j’ay pour vous, chiere dame honnoree.]
Maiz faux raport vous a dit faussement
Que j’aime ailleurs, c’est fausseté prouvee.
10 Je n’ain fors vous, et sachéz, belle nee,
Nulz homs [ne puet souffrir plus de tourment
Que j’ay pour vous, chiere dame honnoree,
Qui chascun jour estes en ma pensee.]