Rondeau 40 : Quant je parti de ma tresdouce amour (DCII)

Rondel

                        Quant je parti de ma tresdouce amour,
                        Dedens brief temps en duy oyr nouvelle,
                        Ce que n’ay pas. Dont mon dueil renouvelle.
                        Lyéz ay vescu en atendant le jour
5                      Qui me donrra la douce, bonne et belle.
                        Quant je parti [de ma tresdouce amour,
                        Dedens brief temps en duy oyr nouvelle.]
                        Pour ce languy en amere dolour.
                        C’est grant durté, et se je muir pour elle,
10                    Pechéz sera. De dire ay bien querelle :
                        Quant je parti [de ma tresdouce amour,
                        Dedens brief temps en duy oyr nouvelle,
                        Ce que n’ay pas. Dont mon dueil renouvelle.]