Rondeau 38 : En chevauchant par le part de Hedin (DC)

Rondeau

                        En chevauchant par le part de Hedin,
                        Ravis d’amours, pensens a la tresbelle,
                        Vint Souvenir qui me mit en nouvelle,
                        Dont par Dangier ne puis venir affin :
5                      Ce faulx villain bruit tousjours et grumelle.
                        Car de li son mesdisans tresafin :
                        Trop m’ont navré et point soubz la mamelle,                                  180a
                        En chevauchant [par le part de Hedin,
                        Ravis d’amours, pensens a la tresbelle.]
10                    Tant que je n’ose aler soir ne matin
                        Vers Bel Acueil, qui mes maulx renouvelle.
                        Maiz neantmoins j’ay bon espoir en elle
                        Qui me disoit : Aime de vray cuer fin.
                        En chevauchant [par le part de Hedin,
15                    Ravis d’amours, pensens a la tresbelle,
                        Vint Souvenir qui me mit en nouvelle.]