Rondeau 37 : Se je sui loing de vo douce figure (DXCIX)

Autre Rondeau

                        Se je sui loing de vo douce figure,
                        Ne me veilliéz par faux rapors guerpir,
                        Car loing de vous ne faiz fors que languir.
                        De jour en jour croist l’amoureuse ardure
5                      De moy en vous tant qu’il me fault fenir.
                        Si je sui [loing de vo douce figure,
                        Ne me veilliéz par faux rapors guerpir,]
                        Or me veilliéz, tresdouce creature,
                        Con vous servant avoir en souvenir,
10                    Ou autrement en say que devenir.
                        Se je sui [loing de vo douce figure,
                        Ne me veilliéz par faux rapors guerpir,
                        Car loing de vous ne faiz fors que languir.]