Rondeau 36 : En languissant des doulx maux amoureux (DXCVIII)

Rondeau

                        En languissant des doulx maux amoureux,
                        Vous qui m’avéz navré d’un dart d’amours,
                        Soyéz pour moy, garisséz mes dolours.
                        Trop me convient par vo trait dolereux
5                      A tousjours maiz estre en tristece et plours,
                        En languissant [des doulx maux amoureux,
                        Vous qui m’avéz navré d’un dart d’amours.]
                        Comment porra, se vo cuer n’est piteux,
                        Estre le mien sanz endurer langours ?
10                    Recevéz donc mes piteuses clamours.
                        En languissant [des doulx maux amoureux,
                        Vous qui m’avéz navré d’un dart d’amours,
                        Soyéz pour moy, garisséz mes dolours.]