Rondeau 23 : Bon an, bon jour et bonne estraine (DLXXXI)

Autre Rondel

                        Bon an, bon jour et bonne estraine,
                        Ma dame, vous soit hui donnee
                        Au commencement de l’annee,
                        Comme a m’amour tressouveraine
5                      Et la plus belle qui soit nee.
                        Bon an, [bon jour et bonne estraine,
                        Ma dame, vous soit hui donnee.]
                        De mon cuer et corps vous estraine,
                        Tout vous doing a ceste journee
10                    Et pour estre mieulx estrenee
                        Bon an, [bon jour et bonne estraine,
                        Ma dame, vous soit hui donnee
                        Au commencement de l’annee.]