Rondeau 24 : Se vous estes en tel ploy longuement (DLXXXII)

Rondeau

                        Se vous estes en tel ploy longuement
                        Et que pitéz ne vous meuve vers my,
                        Vous occiréz sans cause vostre amy.
                        Car je n’aray jaméz fors que tourment.
5                      Et, par ma foy, par faux rapport languy,
                        Se vous [estes en tel ploy longuement
                        Et que pitéz ne vous meuve vers my.]
                        Or ne veilliéz croire legierement.
                        Treschiere dame, ayéz de moy mercy,
10                    Comme ignocent, ou je muir pour vous cy :
                        [Se vous estes en tel ploy longuement
                        Et que pitéz ne vous meuve vers my,][1]
                        Vous occiréz sans cause vostre amy.

[1] Vers manquants