Rondeau 22 : Qui fisiciens veult avoir (DLXXX)
Rondel
Qui fisiciens veult avoir
Pour pou mengier, je li ensaigne
Que Poitiers et Savoisi prengne.
Ces deux feront bien leur devoir,
5 De bien riffler, quoy qui avaigne :
Qui fisiciens [veult avoir
Pour pou mengier, je li ensaigne]
Par moy le puis trop bien savoir : 178a
Il m’ont fait avoir grant alayne.
10 Dieux les mette en male sepmaine !
Qui fisiciens [veult avoir
Pour pou mengier, je li ensaigne
Que Poitiers et Savoisi prengne.]