Rondeau 18 : Onques homs n’ot parti si dolereux (DLXXVI)

Rondel

                        Onques homs n’ot parti si dolereux
                        Comme je l’ay pour amer loyaument
                        En un seul lieu, sans faire changement.
                        Maiz l’en m’amet que je sui amoureux
5                      En autre lieu, et dessy en avant
                        Onques homs [n’ot parti si dolereux
                        Comme je l’ay pour amer loyaument.]
                        Car je me voy par ce point langoureux,
                        Et sanz raison, maleureux et dolent,
10                    Se ma dame ne change son talent.
                        Onques homs [n’ot parti si dolereux
                        Comme je l’ay pour amer loyaument
                        En un seul lieu, sans faire changement.]