Rondeau 19 : Adieu mon cuer, adieu ma joye (DLXXVII)
Autre Rondel
Adieu mon cuer, adieu ma joye,
Adieu tout le bien que j’avoye,
Adieu ma tresparfaitte amour,
Adieu celle qui, nuit et jour,
5 Avéz mon cuer ou que je soye.
Desormaiz seront grans my plour,
Mon depart grief, longue ma voye.
Pour ce dy jusqu’a mon retour :
Adieu [mon cuer, adieu ma joye,
10 Adieu tout le bien que j’avoye.]
Vostre grant bien mon cuer ravoye
Par doulx espoir qui me convoye,
Et me semble que par nul tour
Ne me puet grever nul demour,
15 Quant je pense que je vous voye : 177d
Adieu [mon cuer, adieu ma joye,
Adieu tout le bien que j’avoye,
Adieu ma tresparfaitte amour.]