Rondeau 17 : Cilz qui auroit tout l’avoir de ce monde (DLXXV)

Rondel

                        Cilz qui auroit tout l’avoir de ce monde,
                        Que li vaudroit toute celle planté,
                        S’il languissoit et qu’il n’eust santé ?
                        Mieulx li vaudroit estre en la mer parfonde                                     177c
5                      Qu’en richesses fust ainsi tourmenté :
                        Cilz qui [auroit tout l’avoir de ce monde
                        Que le vaudroit toute celle planté ?]
                        Richesse n’est, se santé ne s’i fonde,
                        Maiz qui est sain, il est asséz renté.
10                    Tousjours s’en va, maiz trop seroit tempté
                        Cilz qui [auroit tout l’avoir de ce monde
                        Que li vaudroit toute celle planté,
                        S’il languissoit et qu’il n’eust santé ?]