Rondeau 16 : Joyeusement, par un tresdoulx joir (DLXXIV)

Autre Rondel

                        Joyeusement, par un tresdoulx joir,
                        En joyssant menray vie joyeuse,
                        Comme celui qui se doit resjoir
                        Et joye avoir en la vie amoureuse.
5                      Se joyeux sui, chascuns le puet oir
                        A mon chanter. tresplaisant, gracieuse,
                        Joyeusement [par un tresdoulx joir
                        En joyssant menray vie joyeuse.]
                        Rien ne me faut quant je vous puis veir,
10                    Tresdouce fleur, nouvelle et precieuse.
                        Si veil courroux et tristece fuir,
                        Chanter pour vous et de voix doucereuse :
                        Joyeusement [par un tresdoulx joir
                        En joyssant menray vie joyeuse,
15                    Comme celui qui se doit resjoir.]