Rondeau 10 : Onques homs n’ot si cruel jugement (DLVI)
Autre Rondel
Onques homs n’ot si cruel jugement
Comme je l’ay pour loyalment amer,
Par faulx rapors et sans moy apeller.
Car ma dame que j’aime loyalment
5 Sans moy oir m’a voulu condempner.
Onques [homs n’ot si cruel jugement
Comme je l’ay pour loyalment amer.] [1]
Or me convient prendre en gré ce tourment,
Car de son dit ne veil pas reclamer.
10 Mais se Pitéz ne me fait rappeler,
Onques homs n’ot si cruel jugement
Comme je l’ay pour loyalment amer,
Par faulx rapors et sans moy apeller.
[1] Refrain abrégé dans le ms. sous la formule etc.