Rondeau 11 : Doux moys de may, vrais dieux des amoureux (DLX)

                        Doux moys de may, vrais dieux des amoureux,
                        Peres des fleurs, roys de toute verdure,
                        Qui des amans es la douce pasture,
                        Fay que vers moy ma dame ait cuer pitoux[1]
5                      En li monstrant la doleur que j’endure,
                        Doulx moys [de may, vrais dieux des amoureux,
                        Peres des fleurs, roys de toute verdure,]
                        Se j’ay refus, trop seray langoureux.
                        A ton saint jour ma besongne procure,
10                    Demande octroy, s’aray ma nourreture,
                        Doulx moys [de may, vrais dieux des amoureux,
                        Perres des fleurs, roys de toute verdure,
                        Qui des amans es la douce pasture.]

[1] Saint Hilaire corrige en piteux