Rondeau 9 : Amour me fait par sa douce maistrie (DLV)

Rondel

                        Amour me fait par sa douce maistrie                                                174b
                        Penser a lui et veult que toussiens soye :
                        Si le seray tous les jours de ma vie.
                        A li me dong. Pourquoy ne le feroye ?
5                      Ses homs devien, jointes mains li suplie
                        Qu’en gentil corps et noble cuer m’avoye.
                        Amour me fait par sa douce maistrie
                        [Penser a lui et veult que tous siens soye.][1]
                        Et en signe que mon ceur s’umilie,
10                    Pour hommage ce rondel li envoye.
                        Or preingne en gré, usaiger n’en sui mie,
                        De mieulx faire me monstrera la voye.
                        Amour me fait par sa douce maistrie
                        [Penser a lui et veult que tous siens soye.
15                    Si le seray tous les jours de ma vie.][2]

[1] Vers manquant

[2] Vers manquants