Rondeau 8 : En bien amer veil employer mon temps (DLIII)
Rondel
En bien amer veil employer mon temps,
En bien loer veil mestre m’estudie
Le gentil corps cui Dieu doint bonne vie,
En bien celer la belle ou je m’atens,
5 Car c’est mon cuer. Pour ce faut que je die :
En bien amer veil employer mon temps,
[En bien loer veil mestre m’estudie.][1]
Et j’ay bien droit, car de beauté et sens,
De doulx maintien, d’onneur, de courtoisie
10 Est droit fleur. Pour ce a vie […][2]
En bien amer veul employer mon temps
[En bien loer veil mestre m’estudie
Le gentil corps cui Dieu doint bonne vie.][3]
[1] Vers manquant
[2] Vers laissé incomplet
[3] Vers manquants