Pièce 6 : Six signes sont de maladie (MCCXCVIII)

            Six signes sont de maladie
            Prouchienne, qui n’y remedie.

            Le premier signe est quant tu sens
            Tes piéz chaus, tes jambes pesens,

5          Le second, quant ne puéz dormir
            Naturelment, et qu’estournir
            Te fault de long et de travers,
            En lit songer songes divers.

            Le tiers, de baallier et estendre.

10        Le quart, rien par appetit prandre.

            Le quint, quant a ta bouche arrive

            Blanche, grosse et seiche salive.

            Le vi^e dont je me membre,  353b
            Est de non bien aler a chambre
15        Et de ses qualitéz changier.
            Lors fault pou boire et pou mangier,
            Non souper et faire abstinence :
            Je n’y sçay meilleur ordonnance.