Pièce 5 : Justice, de foible merrien (MCCXIV)

            Justice, de foible merrien
            A present, qui jadis fus forte,
            L’en dit que tu es partout morte :
            De justicier ne faiz mais rien

5          Pour les communs pechiéz du monde
            Et le regne qui riens n’en vault,
            Que foy, justice et loy default :
            Convient Dieux que pecheurs[1] confonde
            Briefment. Pour la perseverence
10        Et les pechiéz que chascuns fait,
            Sanz pité, par force et de fait,
            Nous a Dieux en grant desplaisance.

[1] Ms. les pecheurs