Balade 1007 : On parle de larrons lier (MCCCCLXXXVI)
Balade que femme prandre est le plus fort lien qui soit
On parle de larrons lier
Et d’estraindre de fors liens,
De gresillons, corde acoler,
Laisses de poil pour tenir chiens,
5 Nerfs, grans chables pour nefs, merriens
Entailliéz a queue d’aronde,
D’estre en fers en une tour ronde.
Mais c’est tout rien qui bien y voit,
Et tient que des choses du monde
10 Femme est plus fort lien qui soit.
Car on a veu maint prinsonnier,
Sarrazins, Juifs et Crestiens,
Rompre fers, leurs cords mangier,
Miner, yssir hors de lyens
15 [Et] de leurs prinsons a Orliens,
En Chastellet et de parfonde
Fosse ou ilz furent foiz seconde.
Mais femme prandre estraint si roit
Que nulz homs prins n’ist de sa fonde.
20 Femme st plus fort lien qui soit.
Si fort neue homme au marier.
Et sache que ly mariens
Ne puet ce lien deslier, 452d
Mais fault qu’il demeure prins ens
25 Jusqu’a la mort. Voy se c’est sens
Et sur quel tourment homs se fonde,
Qui en mariage s’affonde
Et qui en telz las se deçoit.
S’on l’en blame, die et responde :
30 Femme est plus fort lier qui soit.
L’envoy
Prince, toute contrainte est riens
Au regart de femme : si tiens
Que cilz qui bien s’adviseroit,
N’aroit cure d’avoir telz biens.
35 Car, saichent juenes et anciens,
Femme est plus fort lien qui soit.
