Balade 997 : Veulz tu la congnoissance avoir (MCCCCLXXIV)

Balade des meurs et condicions des champainoys

                        Veulz tu la congnoissance avoir
                        Des Champenoys et leur nature ?
                        Plaines genssont sanz decepvoir,
                        Qui ayment justice et droiture.
5                      Nulz d’eulx grant estat ne procure
                        Et ne puelent souffrir dangier.
                        S’ilz ont a boire et a mangier,                                                            449b
                        Content sont de vivre en franchise,
                        Et ne se scevent avancier :
10                    Toute gent n’ont pas ceste guise.
                       
                        Bien veulent faire leur devoir
                        Envers chascune creature.
                        Servir, sanz nullui decepvoir,
                        Tous ceuls qui ne leur font injure.
15                    Mais qui mal leur fait, je vous jure
                        Qu’ilz veulent leurs torfaiz vengier,
                        Paine mettre a eulx revengier,
                        Soient seculier ou d’eglise,
                        Sanz lariote commenicer :
20                    Toutes gens n’ont pas ceste guise.
                       
                        Et pour leurs faiz rementevoir,
                        Habiles sont a l’escripture
                        Les pluseurs et a concepvoir,
                        Dont cinq d’iceulx met en figure :
25                    Le Mangeur, qui par tres grant cure
                        Voult [E]scolastique traictier,
                        Saincte More Ovide esclairer[1],
                        Vittry, Machault de haulte emprise,
                        Poetes que musique ot chier :
30                    Toutes gens n’ont pas ceste guise.
                       
                        Princes, le cinq fait a prisier,
                        Clamenges, et auctorisier,
                        Que rethorique loe et prise
                        Et tuit ly poete estrangier.
35                    Cilz est de Langres tresorier :
                        Toutes gens n’ont pas ceste guise.

[1] Raynaud corrige en esclairier