Balade 990 : Toute la premiere vertu (MCCCCLXVII)
Autre Balade pour sa langue refrener
Toute la premiere vertu
Est de sa langue refrener,
Car taire en temps a plus valu
A pluseurs que le trop parler,
5 Qui nuist souvent. Bien regarder
Doivent ad ce li mal parlent,
Qui de reciter ne sont lent
Le mal dont ilz ne scevent rien.
Dont puis sont chetif et dolent :
10 Laissent le mal, facent le bien.
Car par un rapport malostru
Qu’om seult de sa bouche getter,
Sont maint et leur avoir perdu.
Nul ne doit mensongne eslever
15 Ne males nouvelles porter
Qui desplaisent a mainte gent
Et s’en heent le raportent
Ceuls a qui touche ce lien.
Advisent cy ly mesdisent :
20 Laissent le mal, fcent le bien.
Premierement pour leur salu
D’ame, d’avoir, de corps garder
Car quant mot est de bouche yssu, 447c
Envix le puet on rebouter.
25 Fouls est qui ne scet se celer
Ou taire en soy le mauvis vent
Qui grans parleurs destruit souvent,
Comparéz par envie au chien.
Cathon leur moustre saigement :
30 Laissent le mal, facent le bien.
L’envoy
Princes, parler senestrement
D’autrui et haineusement
A Juif, Sarrazin, Crestien
Est grant folie et grant tourment.
35 A tous di pour ce en concluent ;
Laissent le mal, facent le bien.
