Balade 896 : Tous les oiseaulx et bestes qui seront (MCCCVII)

Autre Balade du travail des oyseaulx et des bestes pour leur vie seulement

                        Tous les oiseaulx et bestes qui seront,
                        Ne traveillent que pour leur vie avoir,
                        Et sont content quant[1] leur repos prins ont.
                        En son gendre fait chascun son devoir,
5                      Et leur souffist leur pais, leur pouoir,
                        Qu’ilz vivent frans chascuns en sa nature
                        Jusqu’a la fin. Homs n’a pas ce sçavoir,
                        Qui se destruit par couvoitise pure.

                        Car au jour d’ui mainte gent se deffont,
10                    Qui ont asséz estat, vivre et avoir.
                        En leur degré tousjours viennent et vont
                        Et ne puelent en un lieu remanoir,
                        Pour acquerrir ce qu’om ne doit vouloir,
                        En couvoitant contre Saincte Escripture,
15                    Ou maint pourroit en son hostel manoir,
                        Qui se destruit par couvoitise pure.

                        Helas ! pour quoy tant de doleur se font ?                                       355c
                        Pour enrrichir, eulx mors, un mauvais hoir.
                        Et se font serfs aux choses de ce mont,
20                    En abregent leur vie maint et soir.
                        Ainsi les suelt le diable decepvoir :
                        Oublier Dieu leur fait et [sa] creance
                        Servir, et tel qu’ilz puent bien percevoir
                        Qui se destruit par couvoitise pure.

[1] Ms. comment