Balade 887 : Je, Raison, suy trop esbahie (MCCXCV)
Autre Balade
Je, Raison, suy trop esbahie
De mon filz, qui en sa jeunesse
Se voult rendre en une abbaie.
Maint veu fist et mainte promesse,
5 Chascun jour ouoit trois foiz messe,
Junoit et faisoit abstinence
De con corps, et en continence 352b
Vesquit long temps en bon usaige,
Puis se deffist. Et pour ce pance :
10 Qui jeusne sainctist, viéz enrrage.
Mais pas n’en suy torp merveillie,
Car jeusne chose trop engresse,
Quant elle est un pou assaillie,
De legier son bon propos lesse
15 Pour delit qui la point et blesse.
Aussi pour la perseverence
Des mauvais, n’onques d’apparence
Ne vis ensuir bon ouvrage,
Mais m’apert et par consequence :
20 Qui jeune saintist, vieulz enrrage.
Ceste regle n’est pas faillie
En religion, en noblesse,
En mainte femme qu’om marie
Qui en jeusne temps ot prouesse
25 De vertus, puis fut pecheresse.
Maint cloistrier par incontinence,
Qui furent castes en enfance
Ont leur veu brisié par oultrage.
Par ce appert par vraie sentence :
30 Qui jeusne sainctist, vieulx enrrage.
L’envoy
Prince, a paine est homs qui commence
Trop grant veu, trop grant penitence,
Qui ne soit vaincu en courage.
Bon fait faire par atrempance
35 Ne trop ne po, car sanz doubtance,
Qui jeusne sainctist, vieulx enrrage.
