Balade 829 : Tant com je me po esmouchier (MCCXXVI)

                        Tant com je me po esmouchier
                        De cymbalis cliquentibus,
                        Je fus des dames tenu chier
                        Me semper prosequentibus.
5                      Or suy de dormientibus,
                        Vieulx, gouteux, qui n’ay plus pouoir
                        D’ester cum mulieribus :
                        Je ne puis la queue mouvoir.                                                              332d

                        Plus ne me sert fors de pissier,
10                    Pas n’es de junioribus.
                        Trop ay frequenté le mestier,
                        Dont je suy de absentibus.
                        A present cornioribus
                        M’appellent les dames pour voir.
15                    Flere me fault cum flentibus,
                        Je ne puis la queue mouvoir.

                        Tousjours veulent grain engrangier,
                        Et de recipientibus
                        Prandre avoir, emplir leur grenier.
20                    Heu ! quod[1] in eis sumptibus,
                        Sum ego de dolentibus !
                        Pour avoir bien fait mon devoir,
                        Me veulent faire rasibus,
                        Je ne puis la queue mouvoir.

25                    Princes, je suy enervatus,
                        Et in obprobrium datus
                        Pour ce mestier, car main et soir
                        M’en duelt le dos, jambes, latus
                        Corporisque mei status :
                        Je ne puis la queue mouvoir.

[1] Ms. quia