Balade 793 : Vielle a present, jadis juvencula (MCLXXXV)
Balade de la compalainte d’une vieille sur le fait de sa jeunesce
Vielle a present, jadis juvencula,
Qui en ce temps fu cherie et amee.
A Venere venerunt jacula
Desquelz je fu en pluseurs lieux bersee,
5 Jusqu'à .xx. ans de maint homme honoureee.
Pour ma beauté chascun me convoitoit,
Son cuer, son corps, s’amour me promettoit
Cum effectu et suis sumptibus. 316a
De mains joyaulx mes corps paréz estoit :
10 Vetula sum sine muneribus.
Homme ne truis qui me die : oscula,
Car ma couleur et ma face est ridee
Par viellesce. Plus ne suis puella.
Moins qu’a trente ans m’a chascun delaissee.
15 Si ne suy je pas du vouloir lassee,
Mais preste en tout. Qui amer me vouldroit,
De ses joyaulx du temps passé raroit,
De meisque in suis manibus.
Or va trop pis mon fait qu’il ne souloit :
20 Vetula sum sine muneribus.
Mains m’amettent que je suy fetida,
Ou par dedenz desroutte et afolee,
Juvenibus non bene placida.
Quare ? Quia. Cydrac m’a condempnee,
25 Ly faulx villains : son ame soit dampnee,
Son livre aussi, tout homme qui le croit !
Aler par tout puet qui a baston roit,
Cum cimbalis bene sonantibus.
Je le sçay bien, or voist comme aler doit :
30 Vetula sum sine muneribus.
L’envoy
Juvencule, in etate prima
Sit vobis pax, laus, honor, gloria.
Pluméz, prenéz cunctis[1] hominibus,
Car asséz tost, viellesce vous vendra,
35 Qui en tel point come je sum vous rendra :
Vetula sum sine muneribus.
[1] Ms. a cunctis
