Balade 774 : Qui veult son corps en santé maintenir (MCLXII)
Autre balade
Qui veult son corps en santé maintenir
Et resister a mort d’epidemie[1],
Il doit courroux et tristesce fuir[2],
Laissier le lieu ou est la maladie
5 Et frequenter[3] joieuse compaignie,
Boire bon vi, nette viande user,
Port bonne odour contre la punaisie,
Et ne voist hors s’il ne fait bel et cler.
Jeun estomac ne se doit point partir,
10 Boire matin et mener sobre[4] vie,
Face[5] cler feu en sa chambre tenir.
De femme avoir ne li souviengne mie.
Bains, estuves[6] a son pouoir devie,
Car les humeurs font mouvoir et troubler.
15 Soit bien vestus, ait toudis chiere lie,
Et ne voist hors s’il ne fait bel et cler.
De grosses chars et de choulz[7] abstenir
Et de tous fruiz se doit on en partie[8],
Cler vin avoir[9], sa poulaille rostie,
20 Connins, perdriz, et pour espicerie[10]
Canelle avoir, safran, gingembre, et prie[11]
Tout d’aigrevin et vergus destremper,
Dormir au main. Ce[12] regime n’oublie, 309a
Et ne voist hors s’il ne fait bel et cler.
[1] Ms. BNF 6221 contre lepydemie
[2] Ms. BNF 6221 Doit joye avoir et tresitece fuyr
[3] Ms. BNF 6221 En frequentant
[4] Ms. BNF 6221 doulce
[5] Ms. BNF 6221 Faire
[6] Ms. BNF 6221 Baings et estuves
[7] Ms. BNF 6221 De grosse chair se doit on
[8] Ms. BNF 6221 f. de la plus grant partie
[9] Ms. BNF 6221 Manger connins
[10] Ms. BNF 6221 Et venoison car tout e.
[11] Ms. BNF 6221 Canelle clou de girofle pourrie
[12] Ms. BNF 6221 au matin tout ce
