Balade 754 : Enseigniéz moy, douce gent (MCXXXVI)

Autre balade

                        Enseigniéz moy, douce gent,
                        Verté[1], et se je la truis,
                        J’ay de l’or et de l’argent
                        Que trop bien donner vous puis.
5                      Mais forment esbahis suis
                        Que je ne la sçay trouver.
                        ― Va donc hurter a son huis.
                        ― Ou puet elle demourer ?

                        En abbaie n’en couvent,
10                    En boys, en ville n’en puis,
                        En mer, en eaue, ou souvent
                        L’ay quis, en chace, en deduis.
                        En gens a conseillier duis.
                        En Advignon, oultre mer.
15                    Mais ses noms est tout destruis :
                        Ou puet elle demourer ?

                        ― Va la querir ou l’en vent
                        Les chevaulx. La son instruis
                        Les courratiers, par leur vent,
20                    De l’aler querir de nuis,
                        ― Au trover a trop d’annuis.
                        ― Va la es cours demander.
                        Pas n’y est, ses lieux est vuis :
                        Ou puet elle demourer ?

                        L’envoy

25                    Prince, pour quoy ne comment
                        Est Verté[2]du monde absent ?                                                             302b
                        ― Qu’om ne la veult escouter.
                        Chascuns la va menaçant.
                        Pour ce se va esconsent.
                        Ou peut elle demourer ?

[1] Ms. Verité

[2] Ms. verité