Balade 751 : Grant bien me fist et resjoussement (MCXXXII)
Autre balade
Grant bien me fist et resjouissement,
Ainsis que gent pour querir honeur vont,
De vir l’ostel et le hault parrement
Des chevaliers, princes, qui a vous sont :
5 La fut Namur, Touteville, Aufemont,
Hambuie, Bueil, Blaru, l’Ile Bouchart,
Guy de Laval, Rostelain et Oudart,
Viconte Meaulx, Fayel [et] Bouteillier,
Jehan de Trie, Gadifer que Dieux gart !
10 Vueilliéz tousjours telz gens acompaignier.
Encor y vi et tous d’un parrement
Thorigny, lors françois, et Braquemont,
De Sarrebuche Amé, Arnault Guillent,
Garencieres et Florigny d’un front,
15 Pierre de Bueil et Allain de Beaumont,
Jehan de Roussay et de Sempy Colart,
G. de Trie, Coleville et Mirart
De Miraumont, Bethancourt. Tenir chier
Doit l’en les bons et avoir de sa part :
20 Vueilliéz tousjours tel gent acompaignier.
Poitiers, Brimeu, Carados ensement
Et l’Estandart, Quiquempoit aprés vont,
Canny, Coudroy, Villequier quartement,
Braque, Nery, Lancelot. Boyau ont
25 Et Valiquet, qui la despense font,
Tous chevaliers. Banniere et estandart
Ont les pluseurs. Saiges est qui depart
A telz barons le sien et fait grenier
De tel tresor. Des mauvais n’a regart : 301a
30 Vueilléz[1] tousjours tel gent acompaignier.
L’envoy
Prince, je tais le nombre bel et gent
Des escuiers et de vostre autre gent
Que l’en doit bien entre les bons trier
Et que l’en puet veoir communement
35 En vostre hostel : et pour ce, en concluent,
Vueilléz[2] tousjours tel gent acompaignier.
[1] Saint Hilaire corrige en Vueilliéz
[2] Saint Hilaire corrige en Vueilliéz
