Balade 746 : Grant guerre et tribulacion (MCXXVII)
Autre balade
Grant guerre et tribulacion
Entre Malice et Bonne Foy
Fut, qui dura mainte saison,
Tant que justice, peuple et loy,
5 La terre, li prince et li roy
En furent fouléz et destruis,
Et si ot maint traictié, ce truis,
Tresves, paix juree et par vice
Rompy tout barat vains et vuis :
10 Bon se fait garder de Malice,
Que par dissimulacion
A son dessoubz traiter [je] voy,
Mais son ymaginacion
Fors en cautele ne congnoy.
15 Tousjours prant, tousjours tire a soy
De son ennemi, comme duis,
Or et argent. Veoir ne puis
Que Bonne Foy ne se honnice,
S’Advis n’est tousjours a son huis : 299d
20 Bon se fait garder de Malice,
Tant qu’il faille a s’entencion
De frauder, laquelle apperçoy,
Dist Advis, par mainte raison
Dont maint regne est en petit ploy.
25 Lis les livres, les faiz reçoy
Des paix, routes, des sauf conduis.
Soient a memoire reduis
Les chasteaulx prins par malefice
Dont maint pais ont esté cuis :
30 Bon se fait garder de Malice.
L’envoy
Princes, queue d’escorpion
Ou li genins gist, ce dit on,
Eschuéz, que ne vous traisse.
N’aléz aux meures sanz baston,
35 Adviséz ce qui vous est bon :
Bon se fait garder de Malice.
