alade 645 : Huissiers d’armes fu jadiz noble estat (M)

Balade

                        Huissiers d’armes fu jadiz noble estat
                        A court royal, dont l’en ne fait plus compte :
                        Pres du seigneur furent, maiz sur le plat
                        Les envoy’on logier. Se le roy monte,
5                      Ilz n’ont cheval ne valet, c’est grant honte.
                        Mengent a court pour servir leur seigneur,
                        Gages aussi, nulz a eulz rien n’aconte.
                        L’en leur oste leurs drois de jour en jour.

                        Livroisons n’ont ne logis qu’en debat
10                    Pour deux chevaux. Un chascun les forconte.
                        Logiéz sont loing, maistre et balet sont mat,
                        Au deslogier a eulz leur hoste compte
                        Pour leur valés et logis, tout raconte.
                        La scevent bien de leur temps le sejour.                                          262d
15                    Pour leur deffroy n’est fourrier qui descompte :
                        L’en leur oste leurs drois de jour en jour.

                        Estre deussent, de quoy je me debat,
                        Pres du seigneur, quant il monte ou desmonte,
                        A son coucher et lever en esbat,
20                    Pour ly servir, maiz chascun les seurmonte :
                        Leur besongne ne puellent avoir prompte,
                        […][1]
                        C’est grant deffault qu’ilz n’ont ce qu’a eulz monte :
                        L’en leur oste leurs drois de jour en jour.

                        L’envoy

25                    Prince, la boe aux huissiers se combat
                        Entre Bergy et Boissy a long tour.
                        Jusqu’au ventre [la] chascun s’y embat :
                        L’en leur oste leurs drois de jour en jour.

[1] Vers manquant