Balade 595 : Ainsi comme gent de folaige (DCCCCXLIV)

Autre Balade

                        Ainsi comme gent de folaige                                                             245d
                        Vont sanz raison a la meslee,
                        M’en alay en un pasturaige
                        Ou grant proye avoit assemblee,
5                      Gens se combatent a l’espee.
                        Chascun dit : ― Ce bestail est mien.
                        J’oy la un coup a la donne.
                        Char a espee ne vault rien.

                        Lors me retrays en tapinaige
10                    Par derrier a tout ma colee.
                        Mais en passant pres d’un villaige
                        Vy une femme moult effrree
                        C’un compains tenoit acolee,
                        Gens qui l’escrient, et sçay bien
15                    Qu’il ot la teste escervelee.
                        Char a espee ne vault rien.

                        Mauvais fait aler en fourraige,
                        Prandre char qui ne soit paiee,
                        Ne femme amer de hault paraige
20                    Dont on ait la teste plaiee.
                        Mieulx vault povre femme essaiee
                        De[1] qui l’en dit : ― va et revien,
                        Sanz peril, que femme a armee :
                        Char a espee ne vault rien.

                        L’envoy

25                    Prince, pou vault chose happee,
                        Tousjours fait bon vivre du sien.
                        Doit vaint force desordonnee,
                        Char a espee ne vault rien.

[1] Saint Hilaire corrige en A