Balade 575 : Or ay je tant, Dieu merci, attendu (DCCCCXIX)

Autre Balade

                        Or ay je tant, Dieu merci, attendu
                        Que desormais puis bein avoir mon don,
                        Car vous avéz, si com j’ay entendu,
                        Et de nouvel, deux genés d’Arragon :
5                      Envoiéz moy coursier ou roucin bon,
                        De ce suppli vostre hault[e] noblesse,
                        Et mesmement que vous avéz le nom
                        De voluntiers tenir vostre promesse.

                        J’ay mon argent en Julliers despandu,
10                    Et Ardenne a destruit le compaignon.
                        Par les bois sont my chveal morfondu,
                        Riens ne me vault fraper de l’esperon.
                        Autant vauldroit chevauchier un baston                                          239a
                        Que mes chevaulx, dont chascun d’eulx me lesse.
15                    Acomplisséz donques vostre renom
                        De voluntiers tenir vostre promesse.

                        Un lay vous doy, bien vous sera rendu,
                        Et chascun an, pour ce et en guerredon,
                        Coursier aray de vous ou j’ay tendu.
20                    Promis l’avéz, jugiéz se c’est raison.
                        Sinon croupir me fault en ma maison
                        Ou chevauchier jument, asne ou asnesse.
                        Ne failléz donc, ce seroit desraison,
                        De voluntiers tenir vostre promesse.

                        L’envoy

25                    Princes de Bar, ne querréz achoison
                        De refuser ce de quoy je vous presse,
                        Car plus donrréz, plus aréz a foison
                        De voluntiers tenir vostre promesse.